Жылкы уурдап сатып, акчасын коротуп салган жаран кармалды. Бул тууралуу Чүй облусунун Ички иштер башкы башкармалыгынын басма сөз кызматы билдирди.
Жылкы уурдап сатып, анын акчасын өзүнүн кызыкчылыктарына сарптап салган жаран кармалды. Маалыматка ылайык, Ысык-Ата РИИБге Боз-Бармак айылынын 26 жаштагы тургуну Ж.Э., арыз менен кайрылып, 2021-жылдын 24-январына караган түнү сарайындагы короосунан жылкысын уурдап кетишкенин айткан.
Арыз Ысык-Ата районунун Ички иштер башкармалыгынын Кылмыштардын жана жоруктардын бирдиктүү реестрине катталып, Кылмыш жаза кодексинин «Уурулук» беренеси боюнча тергөө иштери башталды.
Ыкчам иликтөө иш-чаралардын негизинде, 16-февраль күнү шектүү катары Чүй облусунун 28 жаштагы тургуну А.С.ны кармашып, буга чейинки кылмыш аракеттерин аныкташты. Милиция кызматкерлеринин версиясы боюнча, кылмышка шектүү буга чейин уурдалган жылкыны мал базарында сатууга жетишип, андан түшкөн каражатты өз муктаждыгына жумшаган. Учурда сотко чейинки процесстер уланууда.
