№1011 шайлоо тилкесинде электрондук урна бюллетендерди дароо кабыл албай, кыйынчылык жаратууда. Айрым шайлоочулардын бюллютендерди такыр эле урнага салынбай жатат.
Бул шайлоо тилкеси Бишкек шаарындагы Биринчи Май районунда жайгашкан. Мындан улам добуш берүүчүлөрдүн кезек күтүүсү жаралып, электрондук урнага кирбей жаткан бюллетендер көчмө урнага байкоочулардын көзөмөлүндө салынган.
«Учурда шайлоого катышкандардын саны 150гө чамалап, техникалык мүчүлүштүктөр жаралып жатат. Техникалык колдоо көрсөтүү адистери муну шайлоочулардын туура эмес салып жаткандыгында экенин айтышууда»,-деп билдирди №1011 шайлоо тилкесинин төрайымы Айнура Сардарбекова.
