Ысык-Көлдө туристтик-экологиялык милиция кызматкерлери көлдүн түбүн синтетикалык торлордон тазалоо иштерин үзгүлтүксүз жүргүзүп жатышат. Бул торлор көп жылдар бою чирибей, балыктарга жана экосистемага олуттуу зыян келтирип келген.
Тазалоо иштерине заманбап техникалар — моторлуу кайыктар, дрондор жана суу алдындагы камералар колдонулууда. Кызматкерлер күн сайын ондогон, узундугу 100 метрге жеткен торлорду алып чыгышууда.
Адистердин айтымында, синтетикалык торлор сууну булгап, балыктардын кырылышына жана экосистеманын бузулушуна алып келет. Акыркы жылдары жүргүзүлгөн иштердин натыйжасында алардын саны кыйла азайган.
Бул иш-чаралар президент Садыр Жапаров кол койгон №131 Жарлыктын негизинде жүргүзүлүүдө.
Посмотреть эту публикацию в Instagram
