102 жаштагы япониялык Кокичи Акузава Фудзи тоосун багынткан эң кары адам катары Гиннесстин рекорддор китебине кирди.
Жүрөк оорусунан жапа чеккен альпинист 6-10 сааттык жолду 3 күндө басып өткөн. Акузава альпинисттер клубунун ардактуу төрагасы. Ал 2022-жылы 99 жашын белгилөө үчүн Набэвариямага чыккан.
Ал тогузунчу станцияга жетип калганда токтогусу келгенин билдирген. Себеби, Кокичи буга чейин январда тоого чыгып баратып жыгылып, катуу жаракат алган. Бирок, кызы токтобой кете бериңиз деп дем берген. Андан ары сапарын улантып, көздөгөн максатына жеткен.
Фудзи Япониянын Хонсю аралындагы эң бийик тоо болуп саналат. Анын бийиктиги 3776 метрди түзөт.
Посмотреть эту публикацию в Instagram
