Борбор калаада 130 миңден ашык көк стандарт «Тулпар» картасы сатылды. Бул тууралуу мэриядан билдиришти.
Учурда мэрия «Тулпар» тартасын күнүнө 5 миң даана чыгарган жергиликтүү компания менен иштеше баштады.
«Карталардын эки чоң партиясына буйрутма бердик. Биринчи 150 миң карта сентябрдын аягына чейин келет. Экинчи партия 200 миң», — деди «Тулпар» долбоорунун маалымат каражаттары менен иштешүү боюнча адиси Бекжан Акматбеков.
Белгилей кетсек, 20-августтан тарта борбордо коомдук транспортто жүрүү үчүн накталай акча төлөөгө тыюу салынган. Бирок, коомдук транспортто накталай эмес жол кирени киргизүүнүн алгачкы күндөрүндө карталардын жетишсиздигинен улам көйгөйлөр жаралган.
