ИИМдин Жол кыймылынын коопсуздугун камсыздоо башкы башкармалыгынын орун басары, милициянын подполковниги Эмил Жакыповдун төрагалыгынын алдында Нарын облусунун аймагында орун алган жол кырсыктары жана аларды чечүү жолдоруна багытталган ыкчам кеңешме өткөрүлүп, төмөнкү маселелер каралды:
Жол кырсыктарына туура талдоо жүргүзүп, аларды алдын алууда өздүк курамды жана тийиштүү күч каражаттарды натыйжалуу колдонуу менен жолдогу күзөт ордуларын күчөтүү;
Санариптештирүүнүн алкагында кызматкерлерге берилген камера, «АвтоУраган» сыяктуу кызматтык каражаттарды туура жана максаттуу колдонуу;
Өткөрүлгөн рейддик иш-чаралардын жыйынтыгын талдап чыгуу жана алардын сапатына, натыйжалуулугуна өзгөчө көңүл буруу;
Кызматкерлер арасында насаатчылыкты жигердүү жүргүзүү менен тартипти жана мыйзамдуулукту бекем сактоо;
Жол-транспорт кырсыктарын алдын алууда жергиликтүү бийлик өкүлдөрү менен биргеликте үгүт-насаат иштерин күчөтүү;
Туристтик мезгилге байланыштуу жол кыймылынын коопсуздугун камсыздоо боюнча кызматтык чараларды күчөтүү жана кооптуу участоктордо алдын алуу иш-чараларын уюштуруу.
Жыйындын соңунда башкы башкармалыктын орун басары тарабынан жогоруда көрсөтүлгөн кемчиликтерди жоюу боюнча тиешелүү тапшырмалар берилип, алдыдагы жарым жылдык жыйынтыктоочу кеңешмеде өз кызматына кайдыгер караган кызматкерлердин жоопкерчилиги каралаары эскертилди.
