Бишкекте мас абалында унаа башкарган айдоочу кармалды. Бул тууралуу Жол кыймылынын коопсуздугун камсыздоо башкы башкармалыгынан билдиришти.
Маалыматка ылайык, кайгуулчулар Mercedes унаасын башкарып бара жаткан мас айдоочуну токтотушканда, ал маселени жогору жактагы кызмат адамдарына чалып чечүүгө аракет кылган.
Андан кийин Наркология борборунда уктап калгандай түр көрсөтүп полго жатып алып, медициналык кароодон өтүүдөн баш тарткан.
Жыйынтыгында автоунаа айып короого жеткирилип, айдоочуга карата протокол түзүлгөн.
