16-ноябрга караган түнү Ысык-Көл облусунун көпчүлүк аймактарында жаан-чачын катуу жаап, тоолуу райондордо кар жаашы күтүлөт, ал эми күндүз өлкөнүн айрым аймактарында туман түшөт. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрге жетет.
Абанын температурасы Чүй, Ысык-Көл өрөөндөрүндө +3…+8, Ош, Жалал-Абад, Баткен аймактарында +12…+17, Талас облусунда +7…+12, Нарын чөлкөмүндө +2…+7 градус болот.
Термометр Бишкекте +6…+8, Ош шаарында +14…+16, градусту көрсөтөт.



