Айбек Жунушалиев: “Жашыл” аймакка кирип калган үйлөр бузулбайт. Бул тууралуу калаа башчысы Айбек Жунушалиев Спутник агенттигиндеги пресс борбордо билдирди.
“Дүрбөлөңгө түшпөгүлө! Эч кимдин үйү түрттүрүлбөйт”, — деди мэр.
Шаардын көрүнүшүнө, транспортуна жана архитектурасына өзгөртүүлөрдү камтыган Бишкектин жаңы Башкы планы жарыялангандан кийин коомчулукта кеңири талкуу жаратты. Бүгүн Айбек Жунушалиев маалымат жыйынын өткөрүп, тургундарды тынчтандырууга аракет кылды.
Анын айтымында, «2024-жылы административдик-аймактык реформа жүргүзүлүп, борбор калаанын аянты үч эсе көбөйгөн. Башкы план ушуну эске алуу менен иштелип чыккан».
«Биз баарын долбоорго ылайыкташтырабыз. Дүрбөлөңгө түшүүнүн кажети жок: турак жайларыңыз турак жай бойдон калат», — дейт шаар мэри.
