Жыл сайын 1-октябрда пенсиянын өлчөмү көбөйтүлүп, жашоо минимумунан кем эмес көлөмдө белгиленерин жана учурда ал 7 миң 100 сомду түзөрүн министрлер кабинетинин төрагасы Адылбек Касымалиев Жогорку Кеңештин комитеттеринин биргелешкен жыйынында билдирди.
Ал белгилегендей, келерки жылы Социалдык фонд менен биргеликте пенсиянын өлчөмүн олуттуу жогорулатуу үчүн фонддун киреше бөлүгүн көбөйтүү маселеси каралмакчы.
Өз кезегинде Социалдык фонддун төрагасы Бактияр Алиев келерки жылдын биринчи жарымында камсыздандыруу төлөмдөрүн чогултуунун жыйынтыгы боюнча пенсиянын көлөмү канчалык көбөйөрү белгилүү болорун билдирди.
