21-сентябрда Бишкек шаарында “Bishkek Snow Leopard Run 2025” кайрымдуулук марафонуна карата жолдор убактылуу жабылат. Бул тууралуу мэриянын басма сөз кызматы билдирди.
Маалыматка ылайык, 21-сентябрь күнү саат 6:30дан 13:00гө чейин төмөнкү жол тилкелери убактылуу жабылат:
Чүй проспектиси (Манас проспектисинен Абдрахманов көчөсүнө чейин);
Абдрахманов көчөсү (Чүй проспектисинен Иманалиев көчөсүнө чейин);
Иманалиев көчөсү (Абдрахманов көчөсүнөн Чыңгыз Айтматов проспектисине чейин); Масалиев көчөсү (Абдрахманов көчөсүнөн Чыңгыз Айтматов проспектисине чейин, түндүк тарабы);
Чыңгыз Айтматов проспектиси (Иманалиев көчөсүнөн Чүй проспектисине чейин).
Шаар мэри айдоочуларга каттамдарды алдын ала пландап, чектөөлөрдү эске алууну сунуштайт.
