Бүгүн, 25-январда “Акипресс” агенттигинде жол кырсыгынан каза болгон Айза Улан кызынын иши боюнча маалымат жыйыны өттү. Анда, Айзанын жакындары Свердлов райондук сотунун чечимине нааразычылыгын айтышты.
24 жаштагы Айза Улан кызы 9-январда каза болгон. Кызды жөө жүргүнчүлөр өтүүчү жайдан сүзүп кеткен. Айдоочу 1974- жылы туулган жаран кырсык болгон жерден изин жашырып, 3 күндөн кийин милиция кызматкерлери кармашкан. Андан соң, шектүүнү Свердлов районунун соту үй камакка чыгарган.
Анын себеби шектүүнүн оорусу деп айтышкан. Кечээ 24-январь күнү шаардык сотто шектүүгө бөгөт коюу чарасын кайра кароо боюнча соттук отурум болуп өткөн. Соттун жүрүшүндө шектүү бөйрөк алмаштырылгандан кийин гемодиализ албагандыгы тастыктаган. Бул сот Айзада Исаеванын чыгарган чечимине каршы келет дешет.
Учурда жол кырсыгынан каза болгон 24 жаштагы кызды жакындары шектүүнүн өзүнө тиешелүү жазасын алуусун талап кылышууда.
Посмотреть эту публикацию в Instagram