Ноокат районунда тыюу салынган экстремисттик уюмдун материалдарын таркатып жүргөн жаран кармалды.Бул тууралуу Ош ОИИБдин Басма сөз кызматы билдирди.
Маалыматка ылайык, 2021-жылдын 23-июнь күнү Ноокат шаарынын тургуну 26 жаштагы Р. уулу Х. өзүнүн «Инстаграмм» социалдык тармагындагы өздүк баракчасы аркылуу КРнын аймагында тыюу салынган диний экстремисттик уюмдун видео жана аудио жазууларын сактап, таркатып жүргөндүгү аныкталган.
Бул факты Жазык Кодексинин 315-беренеси менен сотко чейинки өндүрүш иши ачылып, алынган аудио, видео материалдар боюнча тергөө кызматы тарабынан эксперизалар дайындалган.
Экспертизанын жыйынтыгы менен Кыргызстандын аймагында тыюу салынган экстермисттик уюмдарга таандык материал деп таанылып, кылмышка шектүү 2021-жылдын 30-июнь күнү ЖПКнын 98-беренеси менен убактылуу кармоочу жайга киргизилди.
Башка кылмыштарын аныктоо боюнча иш-чаралар жүрүп жатат.
