Сербияда өткөн күрөш боюнча дүйнө чемпионатына катышкан Айпери Медет кызы менен Назира Марсбек кызы жана алардын машыктыруучусу Нурбек Изабеков Бишкекке келди. Бул тууралуу маалыматты Спорт агенттигинен билдиришти.
Маалыматка ылайык, аларды «Манас» эл аралык аэропортунан Спорттун олимпиадалык түрлөрү боюнча дирекциясынын директору Нурлан Исмаилов, Кыз-келиндер күрөшү боюнча курама команданын улук машыктыруучусу Байгазы Кенжебаев, дүйнө чемпиону Мээрим Жуманазарова жана спортчулардын жакындары, күйөрмандары тосуп алышкан.