50 миң доллар пара талап кылууга шектелип укук коргоочу кармалды. Бул тууралуу УКМКнын басма сөз кызматынан билдиришти.
Маалыматка ылайык, Н.Д.М. аттуу жаран ар кандай мамлекеттик органдарда жабырлануучунун кызыкчылыгын коргоп, ишеним кат менен иш алып барып, КР ИИМдин Тергөө кызматынын кызмат адамдары менен түзүлгөн келишимге таянуу менен кылмыш иши боюнча соттолуучулардын бирин камактан бошотуу шылтоосу аркылуу 50 миң доллар опузалап талап кылганы аныкталган.
2025-жылы 17-сентябрда Н.Д.М. аталган сумманын 20 миң долларын алып жаткан жеринен кармалып, тергөөнүн жыйынтыгында Жазаларды аткаруу мамлекеттик кызматынын №23 мекемесине киргизилген.
