Ысык-Көлдө сот адилеттигинен дээрлик 7 жылдан бери жашырынып жүргөн жаран кармалды. Бул тууралуу Ысык-Көл ОИИБден билдиришти.
Маалыматка ылайык, Ак-Суу районунун Совет айылынын 45 жаштагы тургуну А.С. Бишкек шаарынан кармалды. Ага 2016-жылы Каракол шаардык соту тарабынан Кылмыш-жаза кодексинин эски редакциясынын 246-беренесинин 3-бөлүгү менен каралган кылмыш үчүн издөөгө жарыяланган.
Ошондой эле, милиция Караколдо жасаган кылмышы үчүн Ак-Суу районунун Теплоключенка айылынын 39 жаштагы тургунун да кармады. Ага 2022-жылдын апрель айында Каракол шаардык соту тарабынан издөө жарыяланган.