Кыргызстан эгемендүүлүк алгандан бери өлкөгө 70 миңден ашык этникалык кыргыз көчүп келген. Бул тууралуу Эмгек, социалдык камсыздоо жана миграция министрлиги маалымдайт.
Алардын 92 пайызы жарандык алганын Эмгек министрлиги билдирди. Мисалга, ушул жылдын тогуз айында Тажикстан, Өзбекстан жана Кытайдан келген 711 киши кайрылман статусуна ээ болгон.
Кайрылман күбөлүгү үч жылдык мөөнөткө берилет. Ушул убакыт аралыгында кайрылман макамынын ээлери кыргыз жарандыгын алуу боюнча кайрылууга тийиш.
Бул макам жөлөк пул, пенсия алууга, саламаттык сактоо, билим берүү кызматтарын колдонууга, ишке орношууга укук берет.
