Роналдиньо Кыргызстанга келген жок. Айрым маалыматтарга караганда, Роналдиньо Бразилиядан “салык төлөбөгөндүктөн” өлкөдөн чыгарылган эмес. Футболчу 29-августта саат 13.55те “Манас” аэропортуна келиши керек эле.
Буга чейин «Барселона» футбол клубунун президенти Жоан Лапорта легендарлуу футболчу Роналдиньо Кыргызстанга келерин билдирген.
Эске салсак, чет элдик басылмалар 2005-жылы «Алтын топтун» ээси, футболчу Роналдиньонун алдамчылык иши боюнча соттук отурумдарга келбей калганы үчүн Бразилиядан чыгууга тыюу салынганын жазып чыгышкан.
Бүгүн, 30-августта саат 20.00дө Бишкектин «Спартак» стадионунда «Барселона» футболдук клубунун легендалары менен беттеш болот. Алар «Азия легендалары» командасы менен беттешет. «Барселонанын» футболдук командасынын капитаны Карлес Пуйоль, Ривалдо Феррейра жана Хавьер Савиола Кыргызстанга келген.
