2021-жылдын 7-февраль күнү Өзгөн районунун Баш-Дөбө айыл аймагынын Кеңеш айылынын тургуну, 27 жаштагы С.Н.К. үйүндө, бир тууган агасы 34 жаштагы С.А.К.ты бычак менен сайып алгандыгын Өзгөн РИИБдин нөөмөт бөлүгүнө билдирген. Бул тууралуу Ош ОИИБдин басма сөз кызматынан билдирди.
Мааламт боюнча, окуя болгон жерге ыкчам-тергөө тобу чыгып, төмөндөгүлөрдү аныкташкан: 2021-жылдын 7-февраль күнү С.Н.К. үйүндө пикир келишпестиктен улам бир тууган агасы С.А.К.ны бычак менен бел тарабына сайып жиберген. С.А.К. денесинен жарат алып Өзгөн райондук ооруканасына кайрылган.
Аталган окуя Өзгөн РИИБдин Кылмыштардын жана жоруктардын бирдиктүү реестирине Кыргыз Республикасынын Жазык кодексинин 266-беренесинде(ээнбаштык) көрсөтүлгөн белгилер менен катталган. Учурда тийиштүү экспертизалар дайындалып, сотко чейинки өндүрүш иши тергөө кызматы тарабынан жүргүзүлүүдө.
