Жогорку Кеңештин мурунку төрагасы Дастанбек Жумабеков super.kg порталына берген маегинде экс-президент Сооронбай Жээнбековдун башкаруусундагы бирден бир кемчилиги айрым коомдук кайрылууларга көңүл бурбагандыгында, деп билдирди.
«Ар бир адамдын өзүнүн кемчиликтери болот. Бирок ал өлкөгө каршы кылмыш жасаган жок. Балким, кемчилик анын айрым коомдук кайрылууларга көңүл бурбагандыгында болушу мүмкүн ”, — дейт ал.
Интервьюсунда ал ошондой эле Октябрь окуялары учурунда Садыр Жапаров жана Камчыбек Ташиев менен сүйлөшүүлөрдү жүргүзүп, өлкөдөгү тынчтыкты сактоо үчүн кызматтан кетүү чечимин кабыл алгандыгын белгиледи.
