Токмок шаарынын тургунун коркутуп, 210 миң сомун алуу учурунда К.Асанбектин уюшкан кылмыштуу тобунун мүчөлөрү кармалды. Бул тууралуу УКМКдан билдиришти.
Маалыматка караганда, Чүй облусунун Токмок шаарында “мыйзамдагы ууру” К.Асанбектин уюшкан кылмыштуу тобунун мүчөлөрү И.Ж. жана В.Ш. Токмок шаарынын тургунунан физикалык зомбулук көрсөтөбүз деп коркутуу жолу менен 2500 доллар талап кылышкан.
26-сентябрда жүргүзүлгөн ыкчам-издөө иш-чараларынын жүрүшүндө 210 миң сом акча каражатын алуу учурунда аталган эки жаран кармалып, УКМКнын тергөө абагынын убактылуу кармоочу жайына камакка алынды.
Учурда кошумча тергөө-ыкчам иш-чаралары жүргүзүлүүдө.
Посмотреть эту публикацию в Instagram
