Байтик Баатыр жана Кулатов көчөлөрүнүн кесилишиндеги имаратка Кыргыз Республикасынын Эл артисти Болотбек Шамшиев тарткан, башкы ролду КР Эл артисти, режиссердун жубайы Айтурган Темирова ойногон “Ысык-Көлдүн кызгалдактары” тасмасынын муралы түшүрүлдү. Бул тууралуу мэриядан билдиришти.
Маалыматка караганда, имараттын каптал бөлүгүнө «Jubilee Kyrgyzstan Insurance Company» компаниясынын демилгеси менен «KyzArt» чыгармачылык тобунун сүрөтчүлөрү тартышкан.
Сүрөт Кыргызстандын мурастарын жана Болотбек Шамшиевдин чыгармачылыгында чагылдырылган адамдык баалуулуктарды сактоо максатында түзүлгөн.
Белгилей кетсек, жайгашкан жерди тандоодо Биринчи май районунун акимиаты жана «Бишкекбашкыархитектура» муниципалдык ишканасы жардам көрсөтүшкөн.
