Евразия экономикалык бирлигинин бажы аймагына Кыргыз Республикасынан мунай экспорттоого убактылуу тыюу салынды. Тиешелүү чечимге Кыргыз Республикасынын Премьер-министри Улукбек Марипов кол койду. Бул тууралуу өкмөттүн басма сөз кызматы билдирди.
Мындай чечим ички рынокто мунайга болгон бааны турукташтыруу максатында кабыл алынган.
«Чечим 2014-жылдын 29-майындагы Евразия экономикалык бирлиги жөнүндө келишимдин 46 жана 47-беренелерине, «Кыргыз Республикасынын Өкмөтү жөнүндө» Кыргыз Республикасынын Конституциялык Мыйзамынын 10 жана 17-беренелерине ылайык, чечим кабыл алынган. Бул чечим кол коюлган күндөн баштап күчүнө кирет», — деп айтылат маалыматта.
