Айгүл-Таш тоосунда сейрек кездешүүчү Айгүл гүлүн коргоо жана көбөйтүү максатында, Айгүл гүлүнүн уругун себүү иш-чарасы өттү. Бул тууралуу “Роза Отунбаеванын демилгеси” фонду маалымат тартты.
Иш-чара “Роза Отунбаеванын демилгеси” Эл аралык коомдук фонддун командасы, Туризм департаментинин башкы адиси, ардактуу эс алуудагы мугалимдер, активдүү аялдар, ошондой эле Баткен райондук токой чарба кызматкерлеринин катышуусунда өткөрүлдү.
“Айгүл гүлүнүн жок болуп кетүү коркунучун алдын алууга көп эмгектерин жумшап, корукка киргизген мектептин ардактуу мугалимдери жана жалпы Кара-Булак айылынын жашоочуларына, Баткен токой чарбасынын кызматкерлерине ыраазычылык билдиришти” – деп айтылат маалыматта.
