Кыргызстандын аймактарында жардыруучу заттар коюлган деген анонимдүү телефон чалууларды жасаган адамдардын тобу аныкталып, кармалды.
Маалыматка караганда, 2009-жылы туулган бир жана 2008-жылы туулган 3 жаран кармалган. Алар 2023-жылдын 30-ноябрында жана 18-декабрында чет элдик абонент аркылуу анонимдүү чалуулар үчүн буйрук беришкен. Андан кийин Бишкек шаарындагы орто жана жеке менчик мектептердин даректерине жардыруучу түзүлүштөр орнотулгандыгы тууралуу анонимдүү чалуулар келип түшкөн.
Жыйынтыгында тиешелүү чаралар көрүлүп, кармалган жарандар КР мыйзамдарына ылайык жазага тартылат.
Ушуга байланыштуу, УКМК бул жосундарды жасоого Кылмыш-жаза кодексинин 259-беренесине (“Терроризм актысы жөнүндө атайылап жалган билдирүү”) ылайык кылмыш-жаза жоопкерчилиги, 5 жылга чейинки мөөнөткө эркиндигинен ажыратуу каралганын эскертет.
