Садыр Жапаров Жерүй кениндеги алтын рудасын иштетүүчү комбинатты ишке киргизүүгө катышат. Бул тууралуу президенттин аппаратынын басма соз кызматы билдирди.
Маалыматка ылайык, 2021-жылдын 17-мартында Талас облусунда Жерүй кенинин рудасынан алтын алынуучу Талас алтын кен комбинатынын салтанаттуу ачылышы болот.
Иш-чарага Кыргыз Республикасынын Президенти Садыр Жапаров жеринде, ал эми Россия Федерациясынын Президенти Владимир Путин теле-көпүрө аркылуу катышат.
Белгилей кетсек, алтын чыгаруучу фабриканын (ЗИФ) кубаттуулугу жылына 1,3 миллион тонна руданы түзөт. Бардык казылып алынган руда алтынды кайра иштетүүчү фабрикада кайра иштетилет, андан кийин Кыргыз Республикасынын аймагында тазаланат.
Кыргыз Республикасынын Улуттук банкы алтын куймаларды сатып алууда артыкчылыкка ээ болот.
