Күн мурун Бишкектин Ала-Тоо аянтында унаалар токтотулуп, айдоочуларга өрт өчүрүүчү каражаттары акысыз берилди. Күтүүсүздөн берилген белекти айдоочулар кубануу менен кабыл алып, уюштуруучуларга терең ыраазычылык билдиришти.
Унаа ээлери үчүн өтө маанилүү болгон бул иш-чара «Jubilee Kyrgyzstan» камсыздандыруу компаниясынын демилгеси, колдоосу менен Бишкек шаардык милициянын кайгуул кызматы жана ӨКМдин Бишкек шаардык башкармалыгынын уюштуруусунда өттү.
Бул жагымдуу көрүнүш 15-июнь – Өрткө каршы кызматынын түзүлгөндүгүнүн 98 жылдыгына карата өткөрүлдү.
