Сузак районунун Миң-Өрүк айылындагы №6 Т.Темирбаев атындагы мектеп-гимназия толук капиталдык оңдоп-түзөөдөн өтүп, 2-сентябрда пайладанууга берилди. Бул тууралуу Архитектура, курулуш жана турак-жай коммуналдык чарба мамлекеттик агенттигинен билдиришти.
Ачылыш аземге Жогорку Кеңештин депутаты Шайырбек Ташиев, Мамкурулуштун директору Нурдан Орунтаев жана орун басары Талант Иманакун уулу катышты.
Белгиленгендей, мектеп 1976-жылдары курулган, ошондон тарта капиталдык оңдоп-түзөөдөн өткөн эмес. Быйыл июнь айында республикалык бюджеттин каржылоосу менен оңдоп-түзөө иштери башталган.
Билим ордо 650 окуучуга ылайыкталган, 3-кабаттуу окуу корпусу, актовый залы, ашканасы, спорттук залы жана өтмө галереясы бар.
Мектепте 2023-2024-окуу жылдары 1057 окуучу билим алган.
