Бишкектин Арча-Бешик конушунда автоунаа кызды сүзүп, андан ары жеке бала бакчанын короосуна кирип кеткен 16 жаштагы айдоочу кармалды. Бул тууралуу Бишкек ШИИБинен билдирди.
Окуя 4-октябрда кечке жуук Арча-Бешик конушунун Эр-Тайлак көчөсүндөгү №134 үйдүн тушунда болгон. Lexus 470 унаасын айдап бараткан өспүрүм рулду башкара албай жолдон чыгып кеткен. Ал 10 жаштагы кызды сүзүп, менчик бала бакчанын дубалын жарып короосуна кирип кеткен. Кыз кырсык болгон жерден каза болгон.
Бул факты боюнча Кылмыш-жаза кодексинин “Автомототранспорт каражаттарынын кыймылынын жана аларды эксплуатациялоонун коопсуздук эрежелерин бузуу” беренеси менен кылмыш иши козголгон.
