Кечээ, 28-мартта Бишкекте Республикалык «Айтыш» коомдук фондунун 20 жылдыгына карата, Тоголок Молдонун 160 жылдыгына арналган айтыш жыйынтыкталды.
Байге фонду 1 миллион сомду түзгөн айтыштын финалына төрт төкмө акын чыкты. Финалда акындар Идрис Айитбаев менен Баян Акматов, Акматбек Султан уулу менен Тынчтык Эсенбай уулу айтышты.
Баш байге Идрис Айитбаев (200 000 сом),
Биринчи орун Баян Акматов (150 000 сом),
Экинчи орун Акмат Султан уулу (100 000 сом),
Үчүнчү орун Тынчтык Эсенбай уулу (50 000 сом) ыйгарылды.
Баш байгени алган акын Идрис Айитбаев алган сыйлыгынын 80%ын кайрымдуулукка жумшай турганын жарыялады. Ал эми айтыштын демөөрчүсү жеке ишкер Мирбек Райымов болду.
