УКМКнын төрагасы Камчыбек Ташиев Баткен облусундагы Бирдик айылынын эли менен жолугушуп, Өзбекстандын Ташкент шаарында өткөн мамлекеттик чек ара маселеси боюнча биргелешкен сүйлөшүүлөрдүн жыйынтыгы тууралуу маалымат берүүдө.
Маалыматка ылайык, эки өлкөнүн талашында калган Чечме булагы мурдагыдай келишимдин негизинде калды.
«Ташкенттеги сүйлөшүлгөн маселелердин6 бардыгы чечилди, бир гана «Чечме» булагы калды. Бул булакты сеники меники деп талашкан жокпуз. Эгер биз муну чечпесек болбойт десек, чек ара маселеси мурдагыдай көйгөй бойдон калып кетмек. Чечме булагы мурдагы бойдон калды. Мамлекеттик сүйлөшүүлөрдүн негизинде улантылып эки өлкө тең пайдалана берет. Бирок мурдагыдай улут аралык конфликтке барбайбыз. Азыр бус маселени бир тарапка ал же бул деп чечим коюуу мүмкүн эмес», — дейт Ташиев.
