Тарыхчы, тилчи, фольклор боюнча адис, профессор Сулайман Кайыпов: Элдик курултай тууралуу ар башка пикирлер айтылууда, айрымдар аны – чыныгы элдик бийлик, маселенин баарын ушул курултай чечиш керек деп түшүнөт. Бирок Конституция боюнча Кыргызстан – республика, анын бийлиги аткаруучу, өкүлчүлүктүү жана сот бийлиги болуп үч бутакка бөлүнгөн, алардын арасына курултай кире албайт, ал жөн гана жогорку бийликке кеңеш бере турган, алыскы максатка жетүү жолдорун аныктаган жогорку жыйын.
Парламент же өкмөт мүчөлөрү элдик курултайдан коркпош керек, ага чогулган акылмандар менен жер-жерлерден чогулган мыктылар стратегиялык маселелерди талкуулап – керек же кереги жок, туура же туура эмес, жасайлы же жасабайлы деген маселени гана чечет жана ошол чечимге жараша президент, өкмөт же парламент тиешелүү кадамга барыш керек. Ошол эле учурда элдик курултайды парламенттин өйдөкү палатасына дагы айлантпаш керек, анда курултай Жогорку кеңештин бир бөлүгү болуп калат…
https://youtu.be/We8iAcnjGuc
