9-январда «Нейтрал» аталышындагы жаштар тобунун айрым мүчөлөрү тарабынан жаранга кол салуу болгонун УКМК билдирди.
Андан алган жаракаттарынан улам А.Б.А Ош облустук ооруканасына жаткырылып, ага бир нече операция жасалган.
Бул факт боюнча кылмыш иши козголуп, 2001- 2002-жылкы балдар кармалып, камакка алынган. Учурда тергөө иштери улантылып, бул окуянын калган катышуучуларынын жүргөн жерлери такталууда.
Муну менен катар Ош шаарынын аймагында, өз ара уюшулган жаштар топторунун арасында алектенгендерге түшүндүрүү иштери жүргүзүлүп, үч жаран аныкталган.
УКМК жаштарды, анын ичинде спортчуларды КРнын мыйзамдарына ылайык жоопкерчиликке тартылбоо үчүн ар кандай топтордун мыйзамсыз иштерине аралашпоо боюнча олуттуу түрдө эскертип кетет.
