Ырчы Кайрат Примбердиевге өлкөдөн чыгууга тыюу салынды. Бул тууралуу УКМКдан билдирди.
Маалыматка караганда, ырчы «Айран» аттуу YouTube каналында сүйлөп жатып, улуттар аралык кастыкты козутууга багытталган билдирүүлөрдү жасаган.
«Расалык, этностук, улуттук жана диний кастыкты козутуу» боюнча козголгон кылмыш ишинин алкагында Примердиевге өлкөдөн чыкпоо тууралуу бөгөт коюу чарасы тандалып алынган.
Учурда тергөө иштери жүрүүдө. УКМК расалык, этностук, улуттук, диний же региондор аралык кастыкты козутууга багытталган аракеттер үчүн 10 жылга чейин эркиндигинен ажыратуу жазасы каралганын эскертет.
