УКМК мыйзамсыз пайдаланылган жер тилкелерин аныктоо жана мамлекеттин менчигине кайтаруу боюнча ишин улантууда.
Жети-Өгүз районунун Тамга айыл өкмөтүнүн 2006-жылдагы токтомуна ылайык, Ысык-Көлдүн түштүк жээгиндеги «Тихая Бухта» жер тилкеси өзгөчө спорттук-ден соолукту чыңдоо комплексин куруу үчүн инвестициялык сынак аркылуу сатыкка коюлганы аныкталган.
Бирок конкурстун жеңүүчүсү инвестициялык сынак келишиминин шарттарын бузуп, жерди жакшыртуу жана айтылган максаттарга ылайык өнүктүрүү боюнча эч кандай иш жүргүзө элек.
Текшерүү иш-чараларынын жүрүшүндө жер тилкесинин менчик ээси мыйзамсыз экенин түшүнүп, 10 га жер тилкесин Жети-Өгүз районунун Барскоон айыл өкмөтүнүн балансына өз ыктыяры менен кайтарып берди.
