Алайда 100 тоннадан ашык балык экспорттоо пландалууда. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Былтыр Гүлчө айыл аймагында уюштурулган балык чарбасында 210 миңден ашык балык багылууда.
Чарбада 1 айлык – 80 миң баш триплоид жана 7 айлык – 50 миң баш триплоид. Ошондой эле 3 айлык – 80 миң баш «стальная голова» сорту өстүрүлүүдө.
Муну менен Кыргызстандын балык чарбачылыгы тармагынын өнүгүүсүнө олуттуу салым кошулат. Министрлик чарбаны колдоп, келечекте өндүрүштү кеңейтүү жана экспорттук мүмкүнчүлүктөрдү көбөйтүү максатында тиешелүү иш-чараларды улантууда.
