Бүгүн мигранттардын Россияда жүрүүсүн мыйзамдаштыруунун мөөнөтү аяктайт.
2025-жылдын 1-январынан тартып 30-апрелге чейин Россия Федерациясындагы чет өлкөлүк жарандардын жана жарандыгы жок адамдардын айрым категорияларынын өлкөдөн чыгаруу режиминин колдонулушуна байланыштуу укуктук абалын жөнгө салуу боюнча убактылуу чаралар күчүнө кирген.
Президент Садыр Жапаров Россия Федерациясынын президентине биздин жарандардын Россиянын аймагында жүрүүсүн мыйзамдаштыруу үчүн белгиленген мөөнөттү узартуу өтүнүчү менен кайрылуу жолдогон. Мындан улам бул мөөнөт 2025-жылдын 10-сентябрына чейин узартылган.
Белгиленген мөөнөттө укуктук статусун жөнгө салбаган чет өлкөлүк жарандарга Россияга кирүүсүнө тыюу салуу жана өлкөдөн чыгаруу чаралары көрүлөт (депортация).
