Чолпон-Атадагы мамлекеттик резиденцияда Улуттук коопсуздук мамлекеттик комитетинин төрагасы Камчыбек Ташиев Шанхай кызматташтык уюмунун Регионалдык антитеррордук түзүмүнүн мүчөлөрүн кабыл алды.
Жыйынга Беларусия, Индия, Иран, Казакстан, Кытай, Пакистан, Россия, Тажикстан жана Өзбекстандын коопсуздук органдарынын өкүлдөрү катышты. Ташиев коопсуздукту бекемдөө, терроризмге, экстремизмге жана сепаратизмге каршы күрөшүү багытындагы кызматташтык маанилүү экенин белгиледи.
Маалымат алмашуу, заманбап технологияларды колдонууга каршы туруу, биргелешкен машыгуулар жана радикалдашууну болтурбоо приоритет катары белгиленди. Ошондой эле Бишкекте трансулуттук уюшкан кылмыштуулукка каршы күрөшүү борбору түзүлө турганы белгиленди. Кыргызстан аймактык туруктуулукту чыңдоого жана ШКУнун алкагында өнөктөштүктү өнүктүрүүгө даяр экенин билдирди.
