Максим Фадеев «Интервидение» сынагында кыргызстандык «Номад» тобу менен дагы эки өлкөнүн ырчысына күйөрмандык кылат.
Россиялык продюсер бардык катышуучуларды угуп чыгып, Казакстан (Амре), Кыргызстан («Номад» тобу) жана Кытайды (Ван Си) белгилеген.
«Кыргызстан — ыр жандуу эл, укмуш ырдашат. Билинер-билинбес, назик нюанстар, абдан так, кооз үндөр менен айырмаланат. Алардын ырын биринчи жолу укканда, өзгөчө кайырмасына келгенде тамагыма бир нерсе туруп калгандай болду. Азыр деле тыңгылыктуу бир нерсе айта албай жатам», — деди ал.
Эл аралык музыкалык «Интервидение» сынагы ушул ишембиде Москвада өтөт. Ага 20дан ашык өлкөдөн ырчылар катышууда. «Номад» триосу «Жалгыз сага» чыгармасын экинчи болуп аткарат.
Посмотреть эту публикацию в Instagram
