Кара-Суу районунун Социализм айылындагы сүттү кайра иштетүүчү цехтин курулушунун жүрүшүндө мыйзам бузуулар аныкталды. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка ылайык, текшерүүдө цехтин курулушунун техникалык регламенти, курулуш ченемдери, эрежелери жана алар менен байланышкан бир катар ченемдик укуктук актылардын бузулгандыгы аныкталган.
Мындан улам акт түзүлүп, курулуш иштерин жургүзүп жаткан «Ала-Тоо Амир» ЖЧКсына 200 миң сом өлчөмүндөгү айып пул салынды.
«Бүгүнкү күндө компания тарабынан курулуштагы кемчиликтерди жоюу иштери жүрүп жатат», — деп айтылат маалыматта.
Курулуш министрлиги курулуш иштерин жүргүзүүдө мыйзам талаптарын так сактоо зарылдыгын эскертет.
