Өлкө башчы Садыр Жапаров «Кыргыз Республикасынын Жалал-Абад облусунун Жалал-Абад шаарын Манас шаары деп кайра атоо жөнүндө» мыйзамга кол койду. Бул тууралуу Президенттик аппараттын басма сөз кызматы билдирди.
Маалыматка ылайык, мыйзам 2025-жылдын 10-сентябрында Жогорку Кеңеш тарабынан кабыл алынган.
“Мыйзамдын максаты улуттук идеологияны чыңдоо, элдик баатыр, кыргыз элин ар кандай чабуулдардан коргогон айкѳл Манастын атын Жалал-Абад шаарына ыйгаруу болуп эсептелет. Андыктан Мыйзам менен Кыргызстандын Жалал-Абад облусунун Жалал-Абад шаарын Жалал-Абад облусунун Манас шаары деп кайра атоо каралган”, — деп берилет маалыматта.
Мыйзам расмий жарыяланган күндөн тартып он күн өткөндөн кийин күчүнө кирет.
