Кыргызстандын Транспорт жана коммуникациялар министрлиги борбор калаанын тургундарын жана конокторун түндүк айланма жолдогу оңдоо иштерине тоскоолдук кылбоого чакырды.
Министрликтин маалыматына караганда, учурда аталган тилкеде кызуу оңдоп-түзөө иштери жүрүп жатат. Андыктан, айдоочуларды оңдоо иши жүрүп жаткан жол белгилерге дыкаттык менен көңул буруп, оңдоп-түзөө иштери жүрүп жаткан жерлерге токтобоону суранды.
Министрлик реконструкциядан улам келип чыккан убактылуу ыңгайсыздыкты түшүнүү керектигин белгиледи.
