Сузак райондук соту 15 жаштагы кыздын өгөй атасы тарабынан зордукталган кылмыш иши боюнча өкүм чыгарды.
Соттун чечимине ылайык, 43 жаштагы Т.С. күнөөлүү деп табылып, өмүр бою эркинен ажыратылды. Ошондой эле, соттолуучу жабырлануучуга 300 миң сом компенсация төлөп бериши керек.
Эскерте кетсек, буга чейин Чүй облусунда жашы жете элек кызга карата зомбулук фактысы аныкталган. Ысык-Ата РИИБине жергиликтүү балдарды коргоо бөлүмүнүн адисинен арыз түшкөн. Анда 1982-жылы туулган С.Т., өгөй кызы азыр 15 жаштагы А.А.ны узак убакыт бою зордук-зомбулукка жана сексуалдык мамилеге дуушар кылып жүргөнү айтылган.
Соттук-медициналык жана соттук-психологиялык экспертизалар дайындалып, материалдар өздөрүнүн аймактык карамагына ылайык Сузак РИИБге өткөрүлүп берилген.
Бул факты боюнча Кылмыш-жаза кодексинин 154-беренеси «Зордуктоо» боюнча кылмыш иши козголуп, Жалал-Абад ОИИБнын жана Сузак РИИБнин кылмыш иликтөө кызматкерлери тарабынан кылмышка шектүү жаран кармалган.
