19-сентябрда скутер айдоочусун сүзүп, окуя болгон жерден из жашырып качып кеткен өспүрүм кармалды. Бул тууралуу Милициянын кайгул кызмат башкармалыгы маалымдайт.
Маалыматка ылайык, окуя 2025-жылдын 19 сентябрь күнү Фрунзе – Весёлая көчөлөрүнүн кесилишинде болгон. Соц.тармактарга тараган тасмада белгисиз айдоочу Hyundai Sonata үлгүсүндөгү унаа менен скутер айдоочусун сүзүп, окуя болгон жерден качып кеткендиги тартылган.
Бул маалымат ЖМКларга жарыяланган соң, Бишкек ШИИББинин МККБнын МЭЖ базасына катталып, сотко чейинки өндүрүш иши башталган.
“Жүргүзүлгөн ыкчам иштердин натыйжасында 2025-жылдын 2-октябрында айдоочу аныкталып, кармалды. Ал 2009-жылы туулган жашы жете элек А.У. экени белгилүү болду. Ага карата мыйзамда каралган тартипте бардык тиешелүү протоколдор түзүлдү”, — деп берилет маалыматта.
