АКШнын президенти Дональд Трамп аткаруу бийликтин өкүлдөрүнө Украинага Россиянын тереңинен сокку урууга жардам бере турган чалгындоо маалыматтарын бөлүшүүгө даярданууну буйруду. Бул тууралуу Financial Times чет элдик басылмасы жазып чыкты.
Маалыматка ылайык, азыр акыркы чечим толук айтыла элек. Соңку чечимди Трамп жарыялайт.
Орусиянын президенти Владимир Путин буга чейин Киевдин Томахавк ракеталарын колдонуусу Орусия менен АКШнын мамилесине доо кетирерин билдирген. Ал америкалык аскер кызматкерлеринин түздөн-түз катышуусусуз бул ракеталарды Украинада колдонуу мүмкүн эмес экенин белгиледи.
Буга чейин АКШнын вице-президенти Ж.Д.Вэнс “Fox News” телеканалына интервью берип жатып, Трамптын администрациясы Украинага «Томагавк» канаттуу ракеталарын жеткирүү мүмкүнчүлүгүн талкуулап жатканын, бирок акыркы чечим өлкө башчысы Трампта калаарын айткан.
