Каракол шаарынын мэри Каныбек Адиев Түркия Республикасынын Элазыг шаарынын мэри Шахин Шарифогллары менен эки тараптуу мамилелерди чыңдоо жана кызматташтыкты кеңейтүү боюнча келишимге кол койду. Бул тууралуу Каракол шаардык мэриясынын басма сөз кызматы билдирди.
Маалыматка ылайык, иш-чаранын алкагында делегациялар символикалык түрдө Хазар көлүнөн алынып келинген сууну куюп, достуктун жана кызматташтыктын башаты катары белгилешти.
Каракол шаарынын мэри Каныбек Адиев келген конокторду жылуу тосуп алып, Каракол шаары ар тараптуу кызматташууга даяр экенин белгиледи. Ал ошондой эле туризм тармагындагы бир катар жаңы долбоорлорду сунуштап, мындан аркы алакалардын кеңейишине өзгөчө көңүл буруларын билдирди.
Мэр Адиев Кыргыз Республикасынын Президентинин Ысык-Көл облусундагы ыйгарым укуктуу өкүлү Бакытбек Жетигеновго терең ыраазычылык билдирди. Ал делегациянын облус башчысынын демилгеси жана колдоосу менен келгенин билдирди.
