Бишкек шаарындагы №1 мектептин окуучусу Руслан Байсалов Россиянын Красноярск шаарында Сибирь федералдык университетинин базасында өткөн финансылык коопсуздук боюнча V эл аралык олимпиадада шахмат боюнча фиджиталдык турнирде жеңишке жетишти. Бул тууралуу мэрия кабарлайт.
Маалыматка караганда, Руслан Байсалов КМШ өлкөлөрүнүн ичинен эң мыкты, ошондой эле Кыргызстандын мектеп окуучулары арасындагы олимпиаданын улуттук этабынын жеңүүчүсү аталды.
«Жаш мекендешибиздин жеңиши мектеп үчүн жана жалпы өлкө үчүн сыймык болуп, кыргызстандык мектеп окуучуларынын жогорку деңгээлдеги даярдыгын тастыктады», — делет маалыматта.
Белгилей кетсек, олимпиаданын финалдык этабына дүйнөнүн 40 өлкөсүнөн келген 600гө жакын мектеп окуучулары жана студенттер катышкан. Программа билим берүү жана кесиптик, спорттук жана маданий 100дөн ашык иш-чараларды камтыган.
