Кыргызстанда 2025-жылдын январь-август айларында орточо айлык 42 миң 648 сомду түздү. Бул тууралуу Бишкекте өткөн брифингде Улуттук статистикалык комитеттин төрагасы Бактыбек Кудайбергенов билдирди.
Анын айтымында, 2024-жылдын ушул мезгилине салыштырмалуу эмгек акы 19,6% га жогорулаган.
Эмгек акынын эң чоң өсүшү төмөнкү тармактарда катталган:
— курулуш;
— кыймылсыз мүлк менен операциялар;
— маалымат жана коммуникациялар;
— ресторан жана мейманкана кызматтары;
— кесиптик, илимий-техникалык ишмердүүлүк;
— тоо-кен өндүрүшү.
