Казакстандын Биринчи лигасынын чабуулчусу, «Хан Теңири» футбол клубунун оюнчусу Диас Төлеу оюн учурунда көз жумду. Бул тууралуу Казакстандын футбол федерациясы жарыялады.
Федерациянын башкы катчысы Давид Лория менен кесипкөй клубтар арасындагы жарыштар дирекциясынын башчысы Бакытжан Пазылхайыр окуянын чоо-жайын аныктоо максатында Алматы шаарына аттанганы кабарланды. Ошондой эле окуяны расмий текшерүү жүргүзүү үчү атайын комиссия түзүлдү.
Расмий маалыматтар иликтөө иштери аяктаган соң жарыяланат.
