Кыргызстандын Альпинизм федерациясынын жетекчиси Эдуард Кубатов 2026-жылдын март айында дүйнөнүн үчүнчү эң бийик чокусу Гималайдагы Канченджанга тоосуна чыгууну пландоодо. Бул тууралуу ал 7-каналга билдирди.
“Бир жарым ай мурун Пакистандагы эң кыйын чоку деп эсептелген К2 тоосуна кычкылтек колдонбостон чыгып келдим. Бул — улуттук жана дүйнөлүк рекорд болуп эсептелет. Азырынча бир аз эс алып, алдыдагы жаңы максаттарга машыгып даярданып баштадым. 2026-жылдын март айында 8585 метр болгон Канченджанганы багынтууну көздөп жатам. Эгерде бул экспедиция ийгиликтүү өтсө, андан соң 8 200 метр бийиктиктеги Пакистандагы абдан оор тоо Нангапарбат тоосуна чыгам. Жеңишке жетсем чоң ийгилик жаратып калам деп ойлойм”,- деди Эдуард Кубатов.
